Prezident İlham Əliyev Vaşinqtonda keçirilən Sammitdən sonra ABŞ Prezidenti Donald Tramp tərəfindən təşkil olunmuş görüş barədə açıqlama verib.
Dövlət başçısı bildirib ki, artıq altı aydır Azərbaycan və Ermənistan sülh şəraitində yaşayır və tərəflər əməkdaşlıq münasibətlərinin qurulması istiqamətində addımlar atır.

Prezident qeyd edib ki, Azərbaycanın nümunəsi uzunmüddətli münaqişələrə baxmayaraq sülhün mümkün olduğunu göstərir.

İlham Əliyev, həmçinin ABŞ Prezidenti Donald Trampa Azərbaycanla Ermənistan arasında sülh prosesinə verdiyi töhfəyə görə təşəkkür edib:

“Amerika Birləşmiş Ştatlarının Prezidenti Donald Trampa Azərbaycanla Ermənistan arasında sülhə verdiyi töhfəyə görə minnətdarlığımı bildirirəm”, – deyə Prezident əlavə edib.