Realmedia.info xəbər verir ki, Qazaxıstan Prezidenti Kasım-Jomart Tokayev Azərbaycan Prezidenti İlham Əliyevə təbrik məktubu ünvanlayıb.

Məktubda Kasım-Jomart Tokayev Azərbaycan xalqını Müstəqillik Günü münasibətilə səmimi-qəlbdən təbrik edib.
O bildirib ki, Azərbaycan müstəqillik illəri ərzində dövlətçiliyini möhkəmləndirib, sosial-iqtisadi sahədə mühüm nailiyyətlər əldə edib və beynəlxalq arenada nüfuzunu artırıb.

Qazaxıstan Prezidenti qeyd edib ki, Azərbaycan İlham Əliyevin rəhbərliyi ilə davamlı inkişaf yolunda irəliləyir və regionda mühüm gücə çevrilməkdədir.

Məktubda həmçinin Qazaxıstan və Azərbaycanın dostluq və strateji tərəfdaşlıq münasibətlərinin bundan sonra da inkişaf etdiriləcəyinə əminlik ifadə olunub.

Sonda Kasım-Jomart Tokayev Azərbaycan xalqına əmin-amanlıq və tərəqqi arzulayıb.