Donald Trump İranın şəxsi təmaslar zamanı nüvə silahından tam imtina edəcəyini bildirdiyini, lakin açıq şəkildə uranın zənginləşdirilməsi hüququndan danışdığını açıqlayıb.

Realmedia.info xəbər verir ki, ABŞ prezidenti İranın bu məsələdə səmimiyyətinə tam əmin olmadığını qeyd edib.

Onun sözlərinə görə, İslamabadda keçirilməsi gözlənilən danışıqlarda ABŞ tərəfi bir sıra mühüm tələblərlə çıxış edəcək. Bu tələblərə yüksək zənginləşdirilmiş təxminən 450 kiloqram uranın təhvil verilməsi, Hörmüz boğazının açıq saxlanılması, regional qruplaşmalara dəstəyin dayandırılması və ballistik raket proqramının məhdudlaşdırılması daxildir.

Bununla yanaşı, İran tərəfinin əsas məqsədinin beynəlxalq sanksiyaların ləğvinə nail olmaq olduğu bildirilir.
Qeyd edək ki, tərəflər arasında planlaşdırılan görüşün regional və qlobal təhlükəsizlik baxımından mühüm əhəmiyyət daşıdığı vurğulanır.