Əbu-Dabidə keçirilməsi planlaşdırılan Rusiya–ABŞ–Ukrayna formatlı danışıqlarda Ukraynanın bəzi ərazilərdən imtina etməsi müqabilində genişmiqyaslı maliyyə və təhlükəsizlik paketi müzakirə mövzusu olacaq.

Realmedia xarici KİV-ə istinadən xəbər verir ki, danışıqlar çərçivəsində Ukraynaya ümumilikdə 800 milyard dollar həcmində maliyyə dəstəyi göstərilməsi və təhlükəsizlik zəmanətlərinin verilməsi təklif olunur. Müzakirəyə çıxarılan sənədlərdən birində Ukrayna Silahlı Qüvvələrinin Donbas bölgəsindən çıxarılması məsələsi də yer alır.

Məlumata görə, maliyyə proqramının ABŞ-nin dəstəyi ilə və beynəlxalq investisiya şirkəti “BlackRock”un iştirakı əsasında həyata keçirilməsi nəzərdə tutulur.
Bununla belə, Finlandiya Prezidenti Aleksandr Stubb sözügedən planla bağlı ehtiyatlı mövqe sərgiləyərək, hazırda bu həcmdə maliyyə vəsaitinin real olaraq mövcud olmadığını bildirib.

Qeyd edək ki, danışıqların detalları və mümkün razılaşmalar beynəlxalq ictimaiyyət tərəfindən diqqətlə izlənilir.