Qətərin xarici işlər naziri regionda baş verən gərginliklə bağlı açıqlama verib.

Nazir bildirib ki, Qətər müharibədən əvvəl dəfələrlə bəyan edib ki, qonşu ölkələrə qarşı hər hansı hücumda və ya müharibədə iştirak etmək niyyətində deyil. Onun sözlərinə görə, ölkəsi regionda yalnız dinc qonşuluq münasibətlərinin qurulmasını istəyirdi.

“Bu müharibədən əvvəl hamımız dəfələrlə bəyan etmişdik ki, qonşularımıza qarşı hər hansı bir hücumda və ya müharibədə iştirak etməyəcəyik. Biz dinc bir qonşuluq münasibətləri görmək istəyirdik”, – deyə nazir vurğulayıb.
Qətər tərəfi həmçinin qeyd edib ki, Doha İran və ABŞ arasında diplomatik həll yollarının tapılmasına kömək etməyə çalışırdı.

Lakin nazirin sözlərinə görə, İranın Körfəz ölkələrinə hücum etməsi regionda aparılan diplomatik səylərə ciddi zərbə vurub.

Məsələ ilə bağlı vəziyyətin gərgin olaraq qaldığı bildirilir.