Azərbaycan ilə Afrika ölkələri arasında ticarət dövriyyəsi son illərdə əhəmiyyətli dərəcədə artıb. Bunu Yalçın Rəfiyev “Afrika Günü 2026: Yüksələn qitə, yeni tərəfdaşlıqlar” adlı tədbirdə çıxışı zamanı deyib.

Onun sözlərinə görə, 2023-cü ildə 150 milyon dollar olan ticarət dövriyyəsi 2025-ci ildə 580 milyon dollara yüksəlib.
Nazir müavini bildirib ki, energetika və bərpaolunan enerji mənbələri, kənd təsərrüfatı və ərzaq təhlükəsizliyi, nəqliyyat və logistika, hasilat sənayesi, təhsil və peşə hazırlığı, rəqəmsallaşma, innovasiya və dövlət xidmətləri sahələrində Azərbaycan ilə Afrika ölkələri arasında əməkdaşlığın genişləndirilməsi üçün böyük potensial mövcuddur.

Qeyd edək ki, tədbirdə Afrika qitəsi ilə yeni tərəfdaşlıqların qurulması və iqtisadi əlaqələrin inkişaf perspektivləri müzakirə olunub.