Argentina milli komandasının baş məşqçisi Lionel Skaloni Lionel Messinin son durumu ilə bağlı açıqlama verib.

Realmedia.info xəbər verir ki, may ayının sonunda əzələ zədəsi alan "İnter Mayami"nin ulduz futbolçusu buna baxmayaraq, 2026-cı il dünya çempionatı üçün yığmanın iştirak ərizəsinə daxil edilib.

Lionel Skaloni bildirib ki, Messi artıq komanda ilə birlikdə məşqlərə qoşulub və bərpa prosesi uğurla davam edir.

"Leonun vəziyyəti qaydasındadır. O, komanda ilə birlikdə məşq prosesinə qatılıb və bu bizim üçün çox vacibdir. Messi kollektivdən tam təcrid olunmayıb və sürətlə sağalır. Çox güman ki, o, yoldaşlıq görüşlərində iştirak edərək yaşıl meydanlara qayıdacaq", - deyə baş məşqçi vurğulayıb.

Skaloni əlavə edib ki, futbolçunun özünü daha yaxşı hiss etməsi məşqçilər korpusunu sevindirir və komanda daxilində zədə problemləri yaransa belə, onları əvəz edəcək futbolçuların kifayət qədər olduğunu bildirib.

Qeyd edək ki, Lionel Messi 2026-cı ildə keçiriləcək dünya çempionatında Argentina millisinin əsas ümidlərindən biri hesab olunur.