İspaniya La Liqasında 2025/26 mövsümünün ən yaxşı baş məşqçisi müəyyənləşib.

Realmedia.info xəbər verir ki, mövsümün ən yaxşı məşqçisi adına "Barselona"nın baş məşqçisi Hans-Diter Flik layiq görülüb. Alman mütəxəssis səsvermədə "Xetafe"nin çalışdırıcısı Xose Bordalas və "Vilyarreal"ın baş məşqçisi Marselino Qarsiya Toralı qabaqlayaraq mükafata sahib çıxıb.

Flikin rəhbərliyi altında "Barselona" ardıcıl ikinci dəfə İspaniya çempionu olub. Bununla da 61 yaşlı mütəxəssis La Liqada mövsümün ən yaxşı məşqçisi mükafatını ikinci il ardıcıl qazanıb.

Qeyd edək ki, Flik 2024-cü ildən "Barselona"ya rəhbərlik edir. Klub rəhbərliyi onunla müqaviləni 2028-ci ilə qədər uzadıb və anlaşmaya daha bir illik uzatma bəndi də əlavə olunub.