Fransanın "Lion" klubunun və gənclər millisinin sabiq futbolçusu Brian Berqunyu 43 yaşında dünyasını dəyişib.
Bu barədə "Lion" klubu rəsmi sosial şəbəkə hesablarında məlumat yayıb.

Klubun yaydığı bəyanatda qeyd olunub:

"Olimpik Lion" Brian Berqunyunun vəfatını dərin hüznlə qarşılayır. Klub bu ağır xəbərdən sarsılıb və onun ailəsinə, yaxınlarına, eləcə də onu tanıyan və sevən hər kəsə ən səmimi başsağlığını çatdırır."

Qeyd edək ki, yarımmüdafiəçi karyerası ərzində "Lion"un heyətində üç dəfə Fransa çempionu olub, iki dəfə isə Fransa Superkubokunun qalibi adını qazanıb. O, həmçinin "Tuluza", "Leççe" və digər klubların formasını geyinib.

Xatırladaq ki, Brian Berqunyuya 2023-cü ilin dekabr ayında qulaqaltı vəzi xərçəngi diaqnozu qoyulmuşdu.