Tbilisidə Azərbaycan vətəndaşı silah və narkotik ittihamı ilə saxlanılıb [xfgiven_qirmizi] [xfvalue_qirmizi] [/xfgiven_qirmizi]
Gürcüstanın Tbilisi Polis Departamentinin İsanı-Samqori Baş İdarəsinin əməkdaşları Azərbaycan Respublikasının vətəndaşı, 2001-ci il təvəllüdlü R.M.-ni odlu silah və narkotik vasitələrin qanunsuz əldə edilməsi və saxlanılması ittihamı ilə saxlayıblar.
Gürcüstan Daxili İşlər Nazirliyinin məlumatına görə, polis şübhəlinin müvəqqəti yaşadığı ünvanda axtarış aparıb. Nəticədə maddi sübut kimi bir neçə ədəd tapança tipli odlu silah, döyüş patronları və daraqlar aşkarlanaraq götürülüb.
Eyni əməliyyat zamanı marixuana və “bio” adlı psixoaktiv maddə də müsadirə olunub.
Faktla bağlı istintaq Gürcüstan Cinayət Məcəlləsinin 236 və 260-cı maddələri üzrə aparılır. Bu maddələr 6 ilədək azadlıqdan məhrumetmə cəzasını nəzərdə tutur.
