Məhkəmə prosesi və hökm

Gəncə Ağır Cinayətlər Məhkəməsində hakim İlkin İbişovun sədrliyi ilə keçirilən son məhkəmə prosesində Karen Avanesyan son sözünü deyib. Müşavirədən sonra hökm elan olunub və qərara əsasən, o, 16 il müddətinə azadlıqdan məhrum edilib. Dövlət ittihamçısı daha ağır cəza – 18 il – istəsə də, məhkəmə bu müddəti qərarlaşdırıb.

İttiham və faktlar

Sentyabrın 14-də Avanesyan yaşadığı yerdən yaxınlıqda olan meşə massivinə gedərək əvvəllər gizlətdiyi “Kalaşnikov” avtomatını, dörd sandıq patronu və beş ədəd qumbaranı götürərək Xankəndidə keçirilən tədbir istiqamətinə getmək istəmişdi. Polis əməkdaşları ona mane olmağa çalışarkən Avanesyan üç əl qumbarası atıb və avtomatla atəş açaraq onlara müqavimət göstərib. Nəticədə polis tərəfindən verilən cavab atəşi ilə o, yaralanaraq saxlanılıb.

Karen Avanesyan Azərbaycan Respublikası Cinayət Məcəlləsinin bir sıra ağır maddələri – terrorçuluq, terrorla əlaqədar qəsdən adam öldürməyə cəhd, odlu silah və döyüş sursatlarının qanunsuz əldə edilməsi, hakimiyyət nümayəndəsinə qarşı müqavimət göstərmə və zor tətbiq etmə kimi ittihamlarla mühakimə olunub