“Bentley Baku” məkanında “Art in Motion” simvolik adı altında rəssam Rəşad Mehdiyevin fərdi sərgisi təqdim edilib. Sərgi yüksək incəsənət ilə fəlsəfi düşüncənin vəhdətini əks etdirən məkan kimi diqqət çəkib.

Realmedia.info xəbər verir ki, sərginin açılışında Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, Bakı Media Mərkəzinin rəhbəri Arzu Əliyeva və Alyona Əliyeva iştirak ediblər.

Ekspozisiya insanın daxili transformasiyası, düşüncə və arzuların formaya çevrilməsi kimi fəlsəfi mövzuları ön plana çıxarır. Sərgidə təqdim olunan əsərlər metamorfozlar ideyasını əsas götürərək insan mahiyyətinin davamlı dəyişimini simvolizə edir.

“Art in Motion” layihəsi təbii estetika ilə simvolizmi birləşdirərək hər bir əsəri “fantaziya və reallıq arasında portal” kimi təqdim edir. Rəssamın rəngkarlıq və heykəltəraşlıq üslubunun sintezi sərgini vahid instalyasiyaya çevirərək müasir Azərbaycan incəsənətində yeni baxış forması yaradır.

Sərgiyə göstərilən maraq Rəşad Mehdiyevin yaradıcılığının müasir mədəni mühitdə önəmli yer tutduğunu bir daha nümayiş etdirib.