Millimizin üzvü Xəyal Əliyev Madriddə cərrahi əməliyyat keçirdi [xfgiven_qirmizi] [xfvalue_qirmizi] [/xfgiven_qirmizi]
"Sabah" klubunun və Azərbaycan millisinin futbolçusu Xəyal Əliyev əməliyyat olunub.
Futbolçu arxa bud əzələlərinin ümumi vətərinin tam qopması səbəbindən cərrahi müdaxilə keçirib. Madrid şəhərində yerləşən klinikalardan birində baş tutan əməliyyat uğurla yekunlaşıb.
Hazırda futbolçunun vəziyyəti qənaətbəxş qiymətləndirilir. Xəyal Əliyevin yaxın günlərdə reabilitasiya prosesinə başlaması gözlənilir.
Qeyd edək ki, Xəyal Əliyev həm "Sabah"ın, həm də Azərbaycan millisinin əsas üzvlərindən biridir.
