Azərbaycanın müdafiə sənayesi sahəsində fəaliyyət göstərən "Arkan İnnovations LLC" şirkəti üç yeni nəsil kamikadze dron istehsal edib.

Realmedia.info xəbər verir ki, 2026-cı il istehsalı olan pilotsuz uçuş aparatları hazırda İstanbulda keçirilən V “SAHA 2026” Beynəlxalq Müdafiə və Aerokosmik Sərgisində ictimaiyyətə təqdim olunub.

Yeni dronlar “Arkan-10”, “Arkan-10 FO” və “Arkan-10 FT” adları ilə təqdim edilib. Bildirilib ki, bu modellər müasir texnologiyalar əsasında hazırlanıb və həm kəşfiyyat, həm də zərbə imkanlarına malikdir.

Xüsusilə “Arkan-10 FO” modeli fiber-optik idarəetmə sistemi ilə təchiz olunub və radarlara düşmə ehtimalının olduqca aşağı olduğu qeyd edilib.
Məlumata görə, yeni pilotsuz uçuş aparatlarında süni intellekt elementləri, təkmilləşdirilmiş avtonom idarəetmə sistemi və daha uzun uçuş müddəti təmin edilib.

Qeyd olunub ki, yeni modellər aşağı radar görünürlüyü, yüksək manevr qabiliyyəti və müxtəlif silah sistemləri ilə inteqrasiya imkanları ilə müasir döyüş şəraitində effektiv istifadə üçün nəzərdə tutulub.