İranda yaranmış gərgin təhlükəsizlik vəziyyəti fonunda Azərbaycan vətəndaşlarının və xarici ölkə vətəndaşlarının təxliyəsi həyata keçirilib.

Əldə olunan məlumata görə, ümumilikdə 53 Azərbaycan vətəndaşı İran ərazisindən təhlükəsiz şəkildə çıxarılaraq ölkəyə gətirilib. Bununla yanaşı, müxtəlif ölkələri təmsil edən 37 əcnəbi vətəndaşın da Azərbaycan vasitəsilə təxliyəsi təmin edilib.

Təxliyə prosesi Azərbaycan–İran dövlət sərhədinin “Astara” sərhəd-keçid məntəqəsi vasitəsilə həyata keçirilib. Əməliyyat zamanı vətəndaşların təhlükəsizliyi və operativ keçidi üçün bütün zəruri tədbirlər görülüb.

Qeyd edək ki, regionda mövcud vəziyyətlə əlaqədar olaraq təxliyə tədbirlərinin davam etdirilməsi mümkündür. Rəsmi qurumlar vəziyyəti nəzarətdə saxlayır və zərurət yarandığı halda əlavə addımların atılacağı bildirilir.