Daha əvvəl xəbər verdiyimiz kimi, Azərbaycan Dəmir Yolları QSC Bakı sürətli qatarının Yeni Suraxanı–Hövsan xəttinin layihələndirilməsinə başlayıb. Layihənin 2026–2027-ci illərdə başa çatdırılması planlaşdırılır.

Realmedia.info xəbər verir ki, layihə üzrə artıq aktiv hazırlıq işlərinə start verilib. Xüsusilə Bakının Bakı şəhərinin Suraxanı rayonu ərazisində dəmir yolu təhlükəsizlik zonasında yerləşən qanunsuz tikilmiş yaşayış binalarının inventarlaşdırılması aparılıb.

Məlumata görə, söküntü işlərinə bu ilin yazın sonu və yayın əvvəlində başlanması nəzərdə tutulur. Proses mərhələli şəkildə həyata keçiriləcək.

Qeyd edək ki, adıçəkilən tikililər illər əvvəl müvafiq sənədləşmə olmadan inşa edilsə də, həmin evlərdə yaşayan sakinlərə kompensasiya ödəniləcək. Bununla bağlı müvafiq qiymətləndirmə və sənədləşmə prosedurlarının aparıldığı bildirilir.

Yeni xəttin istifadəyə verilməsi paytaxtın nəqliyyat infrastrukturunun inkişafına, sərnişin daşımalarının sürətləndirilməsinə və şəhərətrafı ərazilərlə əlaqənin daha da yaxşılaşdırılmasına xidmət edəcək.