Ukrayna Prezidenti Volodimir Zelenski Avropa ölkələrini Ukraynaya dəstəyi gücləndirməyə çağırıb.

Realmedia.info xəbər verir ki, Zelenski bu barədə açıqlamasında Ukraynanın təslim olmayacağını vurğulayıb və Avropanın öz antiballistik müdafiə sistemini yaratmasının artıq zərurətə çevrildiyini bildirib.

Onun sözlərinə görə, Ukrayna Rusiya ilə danışıqlara hazırdır, lakin bu proses üçün Avropa ölkələrinin daha qətiyyətli addımlar atması vacibdir. Bu addımlar sanksiyaların gücləndirilməsi, Rusiya aktivlərinin müsadirəsi və Ukraynanın maliyyə dəstəyinin artırılmasını əhatə etməlidir.

Zelenski həmçinin qeyd edib ki, Avropanın təhlükəsizliyinin təmin olunması üçün bu istiqamətdə atılan tədbirlər ardıcıl və sona qədər davam etdirilməlidir.