Macarıstanın Baş naziri Viktor Orban ölkənin xarici işlər və xarici iqtisadi əlaqələr naziri Peter Siyartoya Kiyevin Budapeştə ünvanladığı təhdidlərlə bağlı Ukraynanın Macarıstandakı səfirini Xarici İşlər Nazirliyinə çağırmağı tapşırıb.

Realmedia xəbər verir ki, bu barədə Orban özünün “Facebook” səhifəsində paylaşım edib.
Baş nazir bildirib ki, Macarıstanın suverenliyinə və ölkədə keçirilən seçkilərin dürüstlüyünə hər hansı müdaxiləyə yol verilməyəcək.

“Biz kiməsə Macarıstanın suverenliyini və ya Macarıstanda seçkilərin dürüstlüyünü təhlükə altına qoymağa icazə verə bilmərik. Buna görə də bu gün mən xarici işlər naziri Peter Siyartoya Ukraynanın Macarıstandakı səfirini Xarici İşlər Nazirliyinə çağırmağı tapşırdım”, – deyə Orban qeyd edib.

Məsələ ilə bağlı Ukrayna tərəfinin mövqeyi hələlik açıqlanmayıb. Realmedia hadisənin inkişafını izləməkdə davam edir.