Mayın 18-də Bakı şəhərində yerləşən “Gülüstan” sarayında Azərbaycan Respublikasının Prezidenti İlham Əliyevin və birinci xanım Mehriban Əliyevanın adından Ümumdünya Şəhərsalma Forumunun 13-cü Sessiyasında iştirak edən dövlət başçıları və nümayəndə heyətlərinin şərəfinə rəsmi ziyafət təşkil olunub.

Realmedia.info xəbər verir ki, tədbirdə forum çərçivəsində Azərbaycana səfər edən müxtəlif ölkələrin yüksəkvəzifəli rəsmiləri, beynəlxalq təşkilatların nümayəndələri və qonaqlar iştirak ediblər.

Rəsmi ziyafətdə qonaqlarla səmimi görüşlər keçirilib, qarşılıqlı əməkdaşlıq və şəhərsalma sahəsində beynəlxalq tərəfdaşlıq məsələləri ətrafında fikir mübadiləsi aparılıb.

Qeyd edək ki, Ümumdünya Şəhərsalma Forumunun 13-cü Sessiyası Bakıda keçirilir və tədbir çərçivəsində şəhərsalma, dayanıqlı inkişaf və urbanizasiya mövzularında müzakirələr aparılır.