“Avroviziya 2026” birinci yarımfinalı bu gün keçirilir [xfgiven_qirmizi] [xfvalue_qirmizi] [/xfgiven_qirmizi]
Avstriyanın paytaxtı Vyana şəhərində bu gün “Avroviziya” mahnı müsabiqəsinin birinci yarımfinalı baş tutacaq.
Realmedia.info xəbər verir ki, yarış Bakı vaxtı ilə saat 23:00-da başlayacaq. Məlumat müsabiqənin rəsmi saytında dərc olunub.
Birinci yarımfinalda ilk olaraq səhnəyə Moldova təmsilçisi çıxacaq, şounun bağlanışını isə Serbiya nümayəndəsi edəcək.
Azərbaycan təmsilçisi JIVA (Cəmilə Həşimova) isə mayın 14-də keçiriləcək ikinci yarımfinalda 2-ci nömrə altında çıxış edəcək. O, “Just Go” mahnısı ilə ölkəmizi təmsil edəcək.
Qeyd edək ki, ikinci yarımfinal mayın 14-də, final isə mayın 16-da “Wiener Stadthalle” arenasında keçiriləcək. Qaydalara əsasən, hər yarımfinaldan 10 iştirakçı və “Böyük beşlik” ölkələri birbaşa finala vəsiqə qazanır.
