Realmedia.info xəbər verir ki, Leyla Əliyeva instaqram səhifəsində yeni şeirini oxucularla bölüşüb. Duyğusal və fəlsəfi çalarlarla zəngin olan şeirdə həyatın keçiciliyi, sevgi, qürur və insanın daxili dünyası ön plana çəkilir.

Şeirdə gecə ilə sübhün simvolik qarşıdurması fonunda yenilənmə, ümid və mənəvi axtarış motivləri ifadə olunur. Müəllif insanın öz hissləri ilə mübarizəsini, sevginin dəyərini və qəlbin azadlığını poetik dillə təqdim edir.

Həmin şeiri təqdim edirik:

Gecə donun çıxarıb, şəfəq üzümə gülür,
Və bu an ömrümüzə yeni ömür bəxş edir.
Bilirəm, günəş batar, yenə sübhdən doğular,
Necə ki bir düşüncə yaranıb-yoxa çıxar…

Heç nə gözləmirəm mən, deyirlər mən unutmuşam sevməyi,
Ağlıma qalib gələn hisslərimi, sevgimi.
Bəlkə bu həyat mənə ötəri bir yuxudur,
Nə zamansa yazdığım bir nağıldır, oxudur…

Səssiz gecə səhrada Allaha yalvarmışam,
Qaytarsın qürurumdan kor olan gözlərimi.
Bəlkə, dostum, həyattək səni də uydurmuşam,
Qoymaram, sənə doğru uzana əllərimi…

Çoxları sevməyimi unutmuşam desə də,
Bu qədərsiz sevginin qədərini bilmədi.
Ürəyim çoxu ilə vursa da, döyünsə də,
Kiməsə əsir düşüb, kiməsə əyilmədi.

Quşlar elə oxuyur — ruhum riqqətə gəlir,
Məni məndən qoparıb, yaşamağa səsləyir.
Kədərlənmə, üzülmə, hər şey ötüb-keçəcək,
Bil ki, mən qədər səni heç kimsə sevməyəcək!

Qeyd edək ki, şeirin tərcüməsi Sevinc Əliyeva tərəfindən hazırlanıb. Paylaşım sosial şəbəkələrdə oxucular tərəfindən maraqla qarşılanıb.