
İranın yol və şəhərsalma naziri Fərzanə Sadiq Bakıya səfərə gəlib.
Bu barədə İslam Respublikasının Bakıdakı səfirliyi məlumat yayıb.
Bildirilib ki, naziri hava limanında Azərbaycanın rəqəmsal inkişaf və nəqliyyat nazirinin müavini, eləcə də İranın Azərbaycandakı səfiri qarşılayıb.
Məlumata görə, Fərzanə Sadiq İran və Azərbaycan arasında İqtisadi Əməkdaşlıq üzrə Birgə Komissiyanın 17-ci iclasında iştirak edəcək.
Səfər çərçivəsində iki ölkə arasında nəqliyyat, logistika və infrastruktur sahələrində əməkdaşlıq məsələlərinin müzakirə olunacağı gözlənilir.