Azərbaycandan Ukraynaya göndərilən enerji avadanlıqlarından ibarət humanitar yardım aidiyyəti üzrə təhvil verilib.

Realmedia xəbər verir ki, bu barədə Azərbaycanın Kiyevdəki səfiri Seymur Mərdəliyev “X” sosial şəbəkə hesabında paylaşım edib.
Səfirin sözlərinə görə, Ukraynanın Bakıdakı səfiri Yuri Qusev və Kiyev vilayətinin rəhbəri Mikolay Kalaşnikin iştirakı ilə avadanlıqlar İrpin şəhərinə çatdırılaraq təhvil verilib.

Kiyev vilayətinin rəhbəri Mikolay Kalaşnik də sosial media hesabında paylaşım edərək Azərbaycana göstərilən dəstəyə görə təşəkkür edib.
“Bu, xalqlarımız arasındakı həqiqi həmrəyliyin nümunəsidir”, – deyə o vurğulayıb.

Kalaşnik bildirib ki, Azərbaycan regionun bərpasında uzunmüddətli və etibarlı tərəfdaş kimi çıxış edir:
“İrpendə artıq bir sıra mühüm layihələr həyata keçirilib. Zərifə Əliyeva adına 12 nömrəli məktəb bərpa olunub, mərkəzi şəhər xəstəxanası yenilənib, təhsil və ictimai məkanlarda infrastruktur təşəbbüsləri reallaşdırılıb. Yeni layihələr üzərində işlər davam edir”.

Qeyd edək ki, daha əvvəl Ukraynanın Bakıdakı səfiri Yuri Qusev xarici işlər naziri Andrey Sibiqanın “Ukrayna üçün istilik” təşəbbüsü çərçivəsində Azərbaycan vətəndaşlarının Ukraynaya enerji avadanlıqlarından ibarət humanitar yardım göndərdiyini açıqlamışdı