İlham Əliyev Naxçıvan Muxtar Respublikasında su ehtiyatlarından səmərəli istifadəyə dair 2026–2030-cu illəri əhatə edən Tədbirlər Planının təsdiq edilməsi barədə Sərəncam imzalayıb.

Sərəncamın məqsədi Naxçıvan Muxtar Respublikası ərazisində su ehtiyatlarından səmərəli istifadənin təmin olunması, su təsərrüfatı infrastrukturunun müasirləşdirilməsi, əhalinin içməli su ilə təminatının və kənd təsərrüfatında suvarma imkanlarının daha da yaxşılaşdırılmasıdır.

Tədbirlər Planında su itkilərinin azaldılması, yeni su mənbələrinin yaradılması, mövcud sistemlərin yenidən qurulması və müasir idarəetmə mexanizmlərinin tətbiqi kimi məsələlər əksini tapıb.

Sənəd regionda su təhlükəsizliyinin gücləndirilməsinə, əhalinin rifahının yüksəldilməsinə və kənd təsərrüfatının davamlı inkişafına xidmət edəcək.