Xocalı Soyqırımı Azərbaycan xalqının yaddaşına qanla yazılmış, heç vaxt unudulmayan bir faciədir. Bu ağrılı tarixi yalnız xatırlamaq deyil, onu gələcək nəsillərə düzgün və təsirli şəkildə çatdırmaq da böyük məsuliyyətdir. Sevindirici haldır ki, bu məsuliyyəti öz çiyinlərində daşımağı bacaran istedadlı gənclərimiz var. Onlardan biri də İsmayılzadə Məryəm Əziz qızıdır.

Məryəm İsmayılzadə dostumuzun məlumatına görə, Saatlı rayonunun Azadkən kənd tam orta məktəbinin 8-ci sinif şagirdidir. Yaşının az olmasına baxmayaraq, o, Xocalı Soyqırımı haqqında etdiyi çıxışla dinləyicilərin qəlbinə toxunmağı bacarmışdır. Məryəmin danışığında sadəcə faktlar deyil, dərin hiss, vətən sevgisi və milli yaddaşa bağlılıq açıq şəkildə hiss olunur.

Onun çıxışı bir daha sübut edir ki, Xocalı faciəsi yalnız tarix dərsliklərində qalan bir hadisə deyil, gənc nəslin qəlbində yaşayan bir ağrıdır. Məryəm bu ağrını sözə çevirərək, səmimi və təsirli nitqi ilə dinləyən hər kəsə Xocalı həqiqətlərini bir daha yaşatmışdır.

Məryəmin istedadı yalnız nitq qabiliyyəti ilə məhdudlaşmır. O, düşüncəli yanaşması, mövzuya məsuliyyətlə yanaşması və cəsarətli çıxışı ilə gələcəkdə Azərbaycanı layiqincə təmsil edəcək ziyalı gənclərdən biri olacağının siqnallarını verir. Belə şagirdlər məktəblərimizin, valideynlərimizin və bütövlükdə cəmiyyətimizin qürur mənbəyidir.

Realmedia.Info olaraq inanırıq ki, İsmayılzadə Məryəm Əziz qızı kimi istedadlı və vətənpərvər gənclər Xocalı həqiqətlərinin dünyaya çatdırılmasında mühüm rol oynayacaq, milli yaddaşımızı yaşadaraq gələcək nəsillərə ötürəcəklər.

Bu yolda Məryəmə uğurlar arzulayır, onun kimi gənclərin sayının artmasını diləyirik.

Realmedia.Info