“Radio-Televiziya Yayımı və Peyk Kommunikasiyası” MMC-də (Teleradio) rəhbərlikdə dəyişiklik edilib.

Realmedia.info xəbər verir ki, bu barədə APA məlumat yayıb. Məlumata görə, qurumda baş direktorun müavini və baş direktor vəzifələrini müvəqqəti icra edən Teymur Əsgərzadə vəzifəsindən azad olunub.

Onun yerinə bu vəzifə Əlibaba Əliyevə həvalə edilib.
Qeyd edək ki, Əlibaba Əliyev eyni zamanda Azərbaycan Nəqliyyat və Kommunikasiya Holdinqi (AZCON)nin marketinq və ictimaiyyətlə əlaqələr departamentinin direktoru vəzifəsində çalışır.

Xatırladaq ki, Teymur Əsgərzadə bu vəzifəyə ötən ilin yanvar ayında təyin edilmişdi.