Azərbaycanın akrobatika gimnastikası üzrə qadın qrupu möhtəşəm uğura imza atıb.

Realmedia.info xəbər verir ki, Anahita Başiri, Nəzrin Zeyniyeva və Zəhra Rəşidovadan ibarət komanda dünya kuboku seriyasının qalibi adını qazanıb.

Azərbaycan Gimnastika Federasiyasının məlumatına görə, idmançılarımız bu yüksək nəticəyə mövsüm ərzində göstərdikləri stabil və uğurlu çıxışlar sayəsində nail olublar.

Gimnastlarımız beynəlxalq arenada ölkəmizi layiqincə təmsil edərək rəqiblərini geridə qoyub və turnirin zirvəsində qərarlaşıblar.

Bu qələbə Azərbaycan idmanının, xüsusilə də akrobatika gimnastikasının inkişafı istiqamətində əldə olunan növbəti böyük uğur kimi qiymətləndirilir.