Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinə Rusiya Günü münasibətilə təbrik məktubu ünvanlayıb.

Realmedia.info xəbər verir ki, dövlət başçısı məktubunda Vladimir Putini və Rusiya xalqını bayram münasibətilə səmimi-qəlbdən təbrik edib.

Prezident İlham Əliyev bildirib ki, Azərbaycan ilə Rusiya arasında münasibətlər xalqları əsrlər boyu birləşdirən dostluq, mehriban qonşuluq və qarşılıqlı hörmət ənənələrinə əsaslanır.

Dövlət başçısı ikitərəfli iqtisadi-ticari əməkdaşlığın, regionlararası əlaqələrin, eləcə də mədəni-humanitar münasibətlərin uğurla inkişaf etdiyini vurğulayıb.

Məktubda qeyd olunub ki, Azərbaycan-Rusiya münasibətlərinin strateji tərəfdaşlıq və müttəfiqlik ruhunda bundan sonra da möhkəmlənəcəyinə əminlik var.

Prezident İlham Əliyev Vladimir Putinə möhkəm cansağlığı və fəaliyyətində uğurlar, Rusiya vətəndaşlarına isə əmin-amanlıq və tərəqqi arzulayıb.