Azərbaycan İncəsənət Məktəbinin təşəbbüsü, Azərbaycan Dövlət Neft və Sənaye Universitetinin nəzdində fəaliyyət göstərən Sənaye və Texnologiya Kollecinin təşkilatçılığı ilə 2 aprel - Ümumdünya Autizm və Məlumatlandırma gününə həsr olunan tədbir keçirilib. Tədbiri Kollecin direktoru Nasim Abışov açdı. Azərbaycan Respublikasının Dövlət Himni səsləndi, şəhidlərin xatirəsi 1 dəqiqəlik sükutla yad edildi.

Azərbaycan Respublikası Milli Məclisinin Komitə sədri xanım Hicran Hüseynova, Azərbaycan Respublikasının Əməkdar İncəsənət Xadimi, sevilən şair Baba Vəziroğlu çıxış edərək tədbirin ictimai əhəmiyyətindən danışdılar. Daha sonra "Məni dinləyin" adlı monotamaşa nümayiş olundu. Bu səhnə əsərinin tərtibatında Heydər Əliyev Fondunun Birinci Vitse-prezidenti xanım Leyla Əliyevanın "Dünya yuxutək əriyir!" şeirlər toplusundan istifadə olunub. Tamaşanın ssenari müəllifi və quruluşçu rejissoru Fərid Bağırovdur.

Xatırladıram ki, Milli Məclisin deputatları - Hikmət Baba oğlu, Vüqar Rəhimzadə, Elman Nəsirov, Pərvanə Vəliyeva, Günay Ağamalı, Milli Məclisin deputatı Ceyhun Məmmədovun köməkçisi Maqsud Əhmədzadə, Azərbaycan Texniki Universitetinin Prorektoru Rəşad Əliyev, YAP Nərimanov rayon Təşkilatının sədri Elçin Quliyev, "Xocalı Soyqırımını Tanıtma" ictimai birliyinin Ağsaqqallar Şurası sədrinin müavini, "Vətənpərvərlər" Maarifləndirmə ictimai birliyinin həmtəsisçisi, müharibə veteranı Çingiz Bayramov, "Vətənpərvərlər" Maarifləndirmə ictimai birliyinin sədri xanım Aynur İsayeva və digər məsul şəxslər "Məni dinləyin!" monotamaşasına maraqla baxdılar.

Azərbaycan İncəsənət Məktəbinin direktoru Gülnar Əzimova tədbirə qatılanların hər birinə Sənaye və Texnologiya Kollecinin rəhbərliyi adından təşəkkür etdi.

Şamil Sabiroğlu, jurnalist,.
Bakı, 01.04.2026.