“Neftçi”nin Konfrans Liqasındakı mümkün rəqibləri bəlli olub [xfgiven_qirmizi] [xfvalue_qirmizi] [/xfgiven_qirmizi]
2026/27 mövsümündə UEFA Konfrans Liqasında çıxış edəcək “Neftçi” klubunun potensial rəqibləri müəyyənləşməyə başlayıb.
Realmedia.info xəbər verir ki, Bakı təmsilçisi turnirə I təsnifat mərhələsindən qoşulacaq. Bu mərhələdə “Neftçi”ni ümumilikdə 26 mümkün rəqib gözləyir, onlardan artıq 11 klubun adı dəqiqləşib.
Məlum olan potensial rəqiblər arasında müxtəlif ölkələrin klubları yer alır: “Styarnan” (İslandiya), “Europa” (Cəbəllüttariq), “İnter” (Finlandiya), “Yelimay” (Qazaxıstan), “Hegelmann” (Litva), “Penibont” (Uels), “NSİ Runavik” (Farer adaları), “Qlentoran” (Şimali İrlandiya), “Marsaşlokk” (Malta), “Nomme Kalyu” (Estoniya) və “Karnarvon Taun” (Uels).
Qeyd edək ki, Konfrans Liqasının I təsnifat mərhələsinin püşkatma mərasimi iyunun 16-da keçiriləcək. Qarşılaşmalar isə 9–16 iyul tarixlərində oynanılacaq.
