Paytaxtın Qaradağ rayonu, Qobustan qəsəbəsi ərazisində qazıntı işləri zamanı torpaq qatının çökməsi faciə ilə nəticələnib.

Realmedia.info xəbər verir ki, hadisə ilə bağlı Fövqəladə Hallar Nazirliyi məlumat yayıb. Bildirilib ki, torpaq uçqunu nəticəsində 2 nəfər torpaq altında qalıb. Hadisə yerinə dərhal nazirliyin Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb olunub.
Xilasedicilərin оператив müdaxiləsi nəticəsində bir nəfər xilas edilib, digər şəxsin isə meyiti çıxarılaraq aidiyyəti üzrə təhvil verilib.

Məsələ ilə bağlı TƏBİB-dən bildirilib ki, aprelin 23-də saat 18:00-da Respublika Təcili və Təxirəsalınmaz Tibbi Yardım Mərkəzinə hadisə ilə bağlı çağırış daxil olub. Təcili tibbi yardım briqadası tərəfindən 1976-cı il təvəllüdlü kişi Kliniki Tibbi Mərkəzə hospitalizasiya edilib.

Yaralıya müştərək travma diaqnozu qoyulub və zəruri tibbi yardım göstərilib. Hazırda onun müalicəsi davam etdirilir, vəziyyəti orta ağır qiymətləndirilir.

Qeyd edək ki, hadisə nəticəsində 1971-ci il təvəllüdlü şəxsin həkiməqədər ölüm faktı qeydə alınıb.
Faktla bağlı araşdırma aparılır.