2025-ci il ərzində Azərbaycan Dəmir Yolları (ADY) maşinistləri qatar qarşısına çıxan qəfil maneələr səbəbindən 123 dəfə təcili tormoz tətbiq ediblər. Təəssüf ki, hər halda qəzadan qaçmaq mümkün olmayıb:
18 hadisədə toqquşma qaçılmaz olub
10 nəfər ağır xəsarət alıb
8 nəfər dünyasını dəyişib
ADY-dən xəbərdarlıq edilib ki, qatarın dərhal dayandırılması fiziki olaraq mümkün deyil və bunun üçün uzun məsafəyə ehtiyac var.
Məlumatda deyilir ki, dəmir yolu xətlərini yalnız müəyyən edilmiş yerlərdən keçmək, keçid zamanı qulaqlıq istifadə etməmək, sağa və sola baxmaq, həmçinin hər iki tərəfdən qatarın gəlmədiyinə əmin olmaq vacibdir.
ADY təhlükəsizliyin prioritet olduğunu vurğulayaraq, bu məqsədlə davamlı olaraq sosial mediada maarifləndirmə kampaniyaları həyata keçirir və dəmir yolu ətrafındakı məktəblərdə xüsusi təlimlər təşkil edir.