Leyla Əliyeva və Alena Əliyeva Gəncə Memorial Kompleksi ilə tanış olublar [xfgiven_qirmizi] [xfvalue_qirmizi] [/xfgiven_qirmizi]
Leyla Əliyeva və Alena Əliyeva Gəncə şəhərində yerləşən Memorial Kompleksi ziyarət ediblər.
Realmedia.info xəbər verir ki, Prezident İlham Əliyev tərəfindən 2025-ci il sentyabrın 27-də – Anım Günündə açılışı həyata keçirilən kompleks İkinci Qarabağ müharibəsi zamanı Ermənistanın raket hücumları nəticəsində həlak olmuş dinc sakinlərin xatirəsini əbədiləşdirmək məqsədi daşıyır.
Memorial Kompleks müharibənin acı reallıqlarını gələcək nəsillərə çatdırmaq və günahsız qurbanların xatirəsini yaşatmaq baxımından mühüm əhəmiyyətə malikdir.
Bildirilib ki, kompleksin birinci mərtəbəsində muzey ekspozisiyası, ikinci mərtəbəsində isə müxtəlif tədbirlərin keçirilməsi üçün xüsusi zal fəaliyyət göstərir.
Səfər çərçivəsində Leyla Əliyeva və Alena Əliyeva, həmçinin Gəncədə Milli Qəhrəman Natiq Qasımovun ailəsini ziyarət ediblər. Görüş zamanı qəhrəmanın xatirəsi dərin ehtiramla yad olunub, ailə üzvləri ilə səmimi söhbət aparılıb.
