Mülki pilotsuz uçuş aparatlarının (PUA) dövlət qeydiyyatına alınması üzrə müraciətlər artıq “myGov” elektron xidmət portalı üzərindən həyata keçirilə bilər.
Buşəhərdə.az xəbər verir ki, bu xidmət PUA sahiblərinin sənədləşmə prosesini sadələşdirmək, müraciətləri operativ və şəffaf şəkildə emal etmək məqsədilə təqdim olunub.
PUA sahibləri qeydiyyat üçün əvvəlcə dövriyyəyə xüsusi icazə almalı, daha sonra portal üzərindən elektron müraciət göndərməlidirlər. Qeydiyyat tamamlandıqdan sonra PUA-lara dövlət qeydiyyat nişanı verilir.
“myGov” üzərindən həm fərdi, həm də hüquqi şəxslər müraciət edə bilər. Bu xidmət dövlətin PUA-ların istifadəsi ilə bağlı təhlükəsizlik və nəzarət tədbirlərini gücləndirməsinə imkan yaradır.