Prezident İlham Əliyev “Azərbaycan Respublikasında 2026-cı ilin ‘Şəhərsalma və Memarlıq İli’ elan edilməsi ilə bağlı Tədbirlər Planı”nın təsdiq edilməsi barədə Sərəncam imzalayıb.

Sərəncama əsasən, Tədbirlər Planında nəzərdə tutulmuş tədbirlərin əlaqələndirilməsi və icrasına nəzarət Azərbaycan Respublikası Prezidentinin Administrasiyası tərəfindən həyata keçiriləcək. Eyni zamanda, Azərbaycan Respublikasının Nazirlər Kabineti Sərəncamdan irəli gələn məsələlərin həllini təmin etməlidir.

2026-cı ilin “Şəhərsalma və Memarlıq İli” elan edilməsi şəhərsalma və memarlıq sahəsində yeniliklərin təşviqi, müasir infrastruktur layihələrinin həyata keçirilməsi və estetik şəhər mühitinin formalaşdırılması məqsədi daşıyır.