Lənkəranda təmir sexində partlayış: bir nəfər ağır xəsarət alıb [xfgiven_qirmizi] [xfvalue_qirmizi] [/xfgiven_qirmizi]
Lənkəran şəhərində avtomobil təmiri sexində partlayış baş verib.
Hadisə şəhərin Füzuli küçəsində yerləşən sexlərin birində qeydə alınıb. İlkin məlumata görə, 1991-ci il təvəllüdlü İlham Şahvəli oğlu Qasımlının benzinlə ehtiyatsız davranması nəticəsində partlayış baş verib.
Nəticədə o, ağır xəsarətlər alaraq Lənkəran Rayon Mərkəzi Xəstəxanasına çatdırılıb. Həkimlər tərəfindən ona bədənin müxtəlif nahiyələrinin yanığı, üz və hər iki qolun II dərəcəli termiki yanığı diaqnozu qoyulub.
Zərərçəkənə ilkin tibbi yardım göstərilib və reanimasiya şöbəsinə yerləşdirilib. Hazırda vəziyyətinin orta ağır olduğu bildirilir.
Faktla bağlı araşdırma aparılır.
