Göygöl rayonunda iki azyaşlının həyatını itirməsi ilə nəticələnən faciəli hadisə baş verib.

RealMedia.info xəbər verir ki, hadisə rayonun Bəhranbağ qəsəbəsi ərazisində yerləşən süni göldə qeydə alınıb.

Məlumata görə, 2017-ci il təvəllüdlü Ramil Rövşən oğlu Həsənov və 2016-cı il təvəllüdlü Yusif Sərxan oğlu Nəsibov göldə çimən zaman batıblar.

Hadisə yerinə cəlb olunan Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları axtarış tədbirləri nəticəsində hər iki azyaşlının meyitini aşkar edərək sudan çıxarıblar.

Bildirilib ki, Ramil Həsənov Gəncə şəhərində yaşayıb. O, hadisə baş verən gün babasının evinə qonaq gəlibmiş.

Faktla bağlı araşdırma aparılır.