Bibiheybət yolunda torpaq sürüşməsi təhlükəsi: Hərəkət məhdudlaşdırılıb [xfgiven_qirmizi] [xfvalue_qirmizi] [/xfgiven_qirmizi]
Realmedia.info xəbər verir ki, Səbail rayonu, Bibiheybət yolunun keçdiyi ərazidə aramsız yağıntılar nəticəsində torpaq sürüşməsi təhlükəsi yaranıb.
Azərbaycan Avtomobil Yolları Dövlət Agentliyi (AAYDA), Fövqəladə Hallar Nazirliyi (FHN) və Daxili İşlər Nazirliyi (DİN) birgə açıqlama yayıb. Bildirilib ki, təhlükəsizliyin təmin olunması məqsədilə yol üzrə nəqliyyat vasitələrinin hərəkəti müvəqqəti qismən məhdudlaşdırılıb.
Sürücülər alternativ olaraq “20-ci sahə” ərazisi vasitəsilə köhnə Salyan şossesindən hərəkət etmələri tövsiyə olunub.
Hazırda ərazi nəzarətdə saxlanılır və yolun təhlükəsiz istismarı üçün aidiyyəti qurumlar tərəfindən müvafiq tədbirlər görülür.
