Gürcüstanın Yuxarı Svaneti bölgəsində yerləşən Tetnuld zirvəsində qar uçqunu baş verib. Nəticədə dağlıq ərazidə xizək sürən turistlər qar altında qalıb.
Teleqrafın məlumatına görə, hadisə ilə bağlı “Shot” Teleqram kanalı xəbər yayıb. Bildirilir ki, turistlər təxminən üç saat ərzində qar altında qalıblar.

Məlumata əsasən, uçqun nəticəsində təxminən 20 xizəkçi xilas edilib. Yaralı şəxslər dərhal xəstəxanaya çatdırılıb. Bəzi turistlər huşsuz vəziyyətdə qar altından çıxarılıb.

Hazırda qar altında qalan insanların dəqiq sayı açıqlanmayıb. Qeyd olunur ki, hadisə zamanı zərərçəkənlər arasında Rusiya vətəndaşları da var.
Xilasetmə işləri aidiyyəti qurumlar tərəfindən operativ şəkildə həyata keçirilib.