Azərbaycanın tanınmış dövlət xadimi, ictimai-siyasi xadim və diplomat Hidayət Orucov vəfat edib.

Realmedia.info xəbər verir ki, bu barədə onun yaxınları sosial şəbəkələrdə məlumat yayıblar.

Qeyd edək ki, Hidayət Orucov uzun illər dövlət idarəçiliyi, diplomatik fəaliyyət və ədəbi yaradıcılıq sahələrində çalışaraq Azərbaycanın ictimai-siyasi və mədəni həyatında mühüm rol oynayıb.

O, müxtəlif dövrlərdə Azərbaycan Respublikası Prezidentinin millətlərarası münasibətlər üzrə müşaviri, milli siyasət məsələləri üzrə dövlət müşaviri, Dini Qurumlarla İş üzrə Dövlət Komitəsinin sədri vəzifələrində fəaliyyət göstərib.

Hidayət Orucov 2012-2021-ci illərdə Azərbaycanın Qırğızıstandakı fövqəladə və səlahiyyətli səfiri kimi çalışıb və ölkəmizi beynəlxalq səviyyədə layiqincə təmsil edib.

1944-cü ildə anadan olan Hidayət Orucov dövlət fəaliyyəti ilə yanaşı, ədəbi yaradıcılıqla da məşğul olub. O, poeziya, nəsr, publisistika və tərcümə sahələrində fəaliyyət göstərərək 60-dan artıq kitabın müəllifi kimi tanınıb.

Allah rəhmət eləsin.