Xarici ölkələrdə Azərbaycanı ləyaqətlə təmsil edən soydaşlarımızın sayı yüzlərlədir. Biz, böyük məmnuniyyətlə süni intellekt sahəsində qeyri-səlis məntiq nəzəriyyəsinin banisi, görkəmli alim Lütvi-zadəni(Lütfəli Rəhim oğlu Ələsgərzadə), keçmiş SSRİ dövründə Qazaxıstanın Baykonur aeredromunda pilotlu gəmilərin sınaq uçuşları üzrə Dövlət Komissiyasının sədri, sovet kosmik proqramlarının banilərindən biri General- leytenant Kərim Kərimovu, Rusiyanın Tümen vilayətində tapılan “qara qızıl” ın emalında mühüm rol oynamış Sosialist Əməyi Qəhrəmanı Fərman Salmanovu, 1941-1945-ci illər müharibəsində müstəsna xidmətləri olan, iki dəfə Sovet İttifaqı Qəhrəmanı Həzi Aslanovu, “Xarqo” adı ilə məşhur olan Sovet İttifaqı Qəhrəmanı Əhmədiyyə Cəbrayılovu, Sovet İttifaqı Qəhrəmanı Mehdi Hüseynzadəni böyük hörmət və ehtiramla yad edirik. Biz, keçmiş SSRİ-nin quruculuğunda mühüm rol oynamış İctimai – siyasi dövlət xadimləri Nərimanov Nərimanov, Heydər Əliyev kimi dahiləri də hörmətlə yad edirik. Gəlin unutmayaq ki, xarici ölkələrdə soydaşlarımızın davranışları, onların ictimai fəallığı diqqətlə izlənilir və Azərbaycan Respublikasının adına yazılır.
Yardımlı rayonunun Gölyeri kəndinin yetirməsi, 1972-ci il təvəllüdlü Namiq Kəlbi oğlu Bağışov uzun müddət Rusiya paytaxtında yaşayıb və kiçik ticarətlə məşğul olub. Bildiyim qədər sadə, səmimi insan olub. O, imkanları daxilində bütün qohumlarına kömək edər, məsləhət verər, yol göstərərdi. Namiq həmçinin qardaşı Əlihüseyn Baxşıyevin Moskva vilayətində yaşayan övladları Faiq, Fazil və Elvinə də zəruri yardım göstərmişdi. Namiq övladlarının “boğazından kəsərək” dəfəlrlə qardaşı uşaqlarına zəruri maddi yardım göstərmişdir. Namiq düşünürdü ki,qardaşı Əlihüseynin övladları- Faiq, Fazil, Elvin gərək olsa onun övladlarına da dəstək olacaq.
2025-ci il dekabrın 12-i axşam işdən evə qayıdarkən qardaşının övladları Fazil və Elvin onun qarşısını kəsdilər. Mübahisənin harda getdiyini, nəyin üstündə olduğunu dəqiq deyə bilməsək də, 3-4 gün sonra Namiqin işgəncə ilə öldürülməsi barədə məlumat daxil oldu. Cinayətkarlar izi itirmək istəsələr də mümkün olmadı.Elvin Baxşıyev haqqında həbs qəti imkan tədbiri seçildi.Hazırda Moskva vilayətində Naqatinski rayonlararası İstintaq orqanında bu cinayət işi araşdırılır.
Moskva vilayətində çoxu Namiqin fədakarlığından danışırlar. Namiqin qardaşının övladları onun etdiyi xeyirxahlığın müqabilində cinayəti niyə törətsinlər ki? İstintaq prosesində Elvin qətli törədən kimi tanınsa da, ən geridə qalmış adam da bilir ki, o, cinayəti təkbaşına törətməyib. Əminik ki, Rusiya Federasiyasının Baş Prokurorluğu bu qətlin nəyə görə törədildiyini diqqətlə araşdıracaq. Köməksiz vəziyyətdə olan insanın döyülməsi, işgəncə verilməsi, ona bıçaqla ən azı 7 dəfə zərbə vurulması ciddi şəkildə araşdırılmslıdır. Tarixə “Böyük Vətən Müharibəsi” kimi daxil olmuş savaşda (1941-1945) həlak olmuş və ya itkin düşmüş soydaşlarımız SSRİ-nin Almaniya və onun müttəfiqlərinə qalib gəlməsi üçün əziz canlarından keçmişdilər.Belə olan halda Moskva vilayət Məhkəməsində aparılan prosesdə Namiq Bağışovun qatillərinin cəzalandırmaq istənməməsi təəssüf və təəccüb doğurur. Doğrudanmı, “Moskva göz yaşlarına inanmır?” Doğrudanmı, qatillər bundan sonra rahat şəkildə yaşacaqlar?
Namiq bəyin ömür-gün yoldaşı Xuraman Rüstəmova, övladları Nərmin, Aytəkin və Sirac Bağışovlar da qatillərin cəzalandırılacağına əmindirlər.
Biz, Namiq Kəlbi oğlu Bağışovun ailə üzvləri adından Azərbaycan Respublikasının Baş Prokuroru, çox hörmətli Kamran Əliyevə müraciət edirik: 2025-ci il dekabrın 12-dən 13-ə keçən gecə Rusiyanın Moskva vilayətində işgəncə ilə qətlə yetirilmiş Namiq Bağışovun qatillərinin üzə çıxarılması üçün zəruri tədbirlər görün. Bu, həm də Azərbaycanın bölgədə olan nüfuzunu qorumaq üçün çox vacibdir.
Şamil Sabiroğlu,
Azərbaycan Jurnalistlər Birliyinin üzvü, müharibə veteranı.
Bakı, 30.05.2026.