Azərbaycanlı tədqiqatçı-alim Seymur Nəsirov beynəlxalq səviyyədə növbəti uğura imza atıb.

Belə ki, Şəriflər İttifaqının sədri Əs-Seyyid Mahmud Əl-Şərif tərəfindən o, elm və biliyə verdiyi töhfələrə görə “Peyğəmbərin Möhürü” ordeni ilə təltif olunub.

Məlumata görə, Misir-Azərbaycan Dostluq Cəmiyyətinin sədri olan Seymur Nəsirov bu mükafata tolerantlıq dəyərlərinin təşviqi, elmi fəaliyyət sahəsində uğurları və xalqlar arasında dostluq əlaqələrinin inkişafına göstərdiyi xidmətlərə görə layiq görülüb.

Qeyd edək ki, alim daha əvvəl – 2025-ci ildə Misir Ərəb Respublikasının prezidenti tərəfindən birinci dərəcəli “Elm və Fənlər” ordeni ilə də təltif olunub. O, Misirdə yaşayan əcnəbilər arasında bu yüksək mükafata layiq görülən ilk şəxs kimi tarixə düşüb.