⚡️Efiopiyanın Baş nazirinin rəsmi qarşılanma mərasimi olub [xfgiven_qirmizi] [xfvalue_qirmizi] [/xfgiven_qirmizi]
Abiy Əhməd Əlinin Azərbaycana rəsmi səfəri çərçivəsində fevralın 27-də rəsmi qarşılanma mərasimi keçirilib.
İlham Əliyev və birinci xanım Mehriban Əliyeva Efiopiyanın Baş naziri Abiy Əhməd Əlini və birinci xanım Zinaş Tayaçevi rəsmi mərasimlə qarşılayıblar.
Mərasim zamanı hər iki ölkənin dövlət bayraqları dalğalanıb, fəxri qarovul dəstəsi düzülüb. Efiopiya və Azərbaycanın dövlət himnləri səsləndirilib.
Daha sonra dövlət başçıları fəxri qarovul dəstəsinin önündən keçiblər və rəsmi foto çəkdirilib.
Qeyd edək ki, səfər çərçivəsində Azərbaycan ilə Efiopiya arasında ikitərəfli əməkdaşlıq məsələlərinin, o cümlədən siyasi, iqtisadi və humanitar sahələrdə əlaqələrin müzakirəsi nəzərdə tutulur.
