Azərbaycan Suriyada 10-a yaxın yeni məktəb tikəcək 🇦🇿🇸🇾 [xfgiven_qirmizi] [xfvalue_qirmizi] [/xfgiven_qirmizi]
Azərbaycan, Suriya Ərəb Respublikasında dağıdılmış və ya zədələnmiş məktəblərin tikintisi və təmirinə dəstək göstərəcək.
Bu barədə Elm və Təhsil Nazirliyi məlumat yayıb. Bildirilib ki, fevralın 17-də İslam Dünyası Təhsil, Elm və Mədəniyyət Təşkilatının (ICESCO) Rabat şəhərindəki Baş qərargahında Azərbaycanın elm və təhsil naziri Emin Əmrullayev, Suriya Ərəb Respublikasının təhsil naziri Dr. Mohammed Abdulrahman Turko və ICESCO-nun Baş direktoru Dr. Salim bin Məhəmməd əl-Malik iştirak ediblər.
Görüş zamanı “Azərbaycan Respublikasının Elm və Təhsil Nazirliyi, Suriya Ərəb Respublikasının Təhsil Nazirliyi və ICESCO arasında Suriya Ərəb Respublikasında təhsil infrastrukturunun bərpası üzrə strateji tərəfdaşlıq” sazişi imzalanıb.
Saziş çərçivəsində Azərbaycan tərəfindən Suriyada 10-a yaxın yeni məktəbin tikilməsi və mövcud məktəblərin bərpası planlaşdırılır. Bu təşəbbüs iki ölkə arasında təhsil sahəsində əməkdaşlığın genişləndirilməsi və bölgədə təhsil imkanlarının artırılmasına mühüm töhfə verəcək.
