“Qarabağ”ın UEFA Çempionlar Liqasındakı rəqiblərindən olan İngiltərənin “Liverpul” klubu növbəti itki ilə üzləşib.
Realmedia.info xəbər verir ki, Mersisayd təmsilçisinin gənc hücumçusu Rio Nqumoha zədələnərək sıradan çıxıb.
17 yaşlı futbolçu FA Kubokunun 1/32 final mərhələsində “Barnsli”yə qarşı keçirilən və “Liverpul”un 4:1 hesablı qələbəsi ilə başa çatan oyunda xəsarət alıb. Qarşılaşmanın 73-cü dəqiqəsində baldır nahiyəsində narahatlıq hiss edən Nqumoha əvəzlənərək meydanı tərk edib.
Hazırda futbolçunun vəziyyəti ilə bağlı ətraflı tibbi müayinələrin aparılacağı bildirilir. Onun nə qədər müddətə yaşıl meydanlardan uzaq qalacağı hələlik açıqlanmayıb.