Harri Keyn Bundesliqada yeni rekord müəyyənləşdirib [xfgiven_qirmizi] [xfvalue_qirmizi] [/xfgiven_qirmizi]
"Bavariya”nın hücumçusu Harri Keyn Almaniya Bundesliqasında yeni rekorda imza atıb.
Realmedia xəbər verir ki, ingiltərəli forvard 15-ci turun “Haydenhaym”la matçında (4:0) fərqlənərək çempionat tarixində ən sürətli şəkildə 100 xal həddinə çatan futbolçu olub. Bu barədə Münhen klubunun rəsmi saytı məlumat yayıb.
Hazırda Keynin Bundesliqadakı aktivində “qol+ötürmə” sistemi üzrə 100 xal (81 qol + 19 məhsuldar ötürmə) var. O, bu göstəriciyə cəmi 78 oyunda çatıb ki, bu da statistik məlumatların aparılmağa başlandığı 2004/2005 mövsümündən bəri ən yaxşı nəticədir.
Əvvəlki rekord “Bavariya”nın sabiq futbolçusu Aryen Robbena məxsus idi — niderlandlı oyunçuya bu göstəriciyə çatmaq üçün 119 matç lazım olmuşdu.
