İranın pilotsuz uçuş aparatı Birləşmiş Ərəb Əmirliklərinin Əbu-Dabi əmirliyində yerləşən Ər-Ruvays sənaye şəhərindəki neft emalı zavoduna hücum edib.

Məlumata görə, hücum nəticəsində obyektdə yanğın baş verib. Hadisə yerinə cəlb olunan xilasetmə və yanğınsöndürmə qüvvələri alovu nəzarət altına alıblar. Hazırda yanğının tam söndürülməsi istiqamətində işlər davam etdirilir.

İlkin məlumatlara əsasən, hadisə nəticəsində xəsarət alan olmayıb.

Qeyd edək ki, regionda gərginlik İran ilə İsrail və ABŞ arasında baş verən son hadisələr fonunda daha da artıb. Fevralın 28-də ABŞ və İsrailin İrana qarşı hərbi əməliyyatlara başladığı bildirilir. Məlumatlara görə, həmin əməliyyatlar zamanı İranın ali rəhbəri Əli Xamenei və bir sıra yüksək vəzifəli şəxslər həlak olub.

Bundan sonra İran İsraillə yanaşı ABŞ və onun müttəfiqlərinin hərbi bazalarının yerləşdiyi Səudiyyə Ərəbistanı, Qətər, Bəhreyn, Oman, İraq və Kipr kimi ölkələrdə müəyyən edilən hədəflərə zərbələr endirməyə başlayıb.
Hadisə ilə bağlı əlavə məlumatların açıqlanacağı gözlənilir.