BƏƏ ilk dəfə İrana hücum edib. [xfgiven_qirmizi] [xfvalue_qirmizi] [/xfgiven_qirmizi]
İsrail mediasının məlumatına görə, Birləşmiş Ərəb Əmirlikləri ilk dəfə olaraq İran ərazisində yerləşən bir obyektə hücum həyata keçirib.
“i24NEWS” telekanalının məlumatlı mənbələrə istinadən yaydığı xəbərə görə, hücum İran ərazisində yerləşən duzsuzlaşdırma zavodunu hədəf alıb. Lakin obyektin dəqiq yerləşdiyi ərazi və zərərin miqyası ilə bağlı hələlik rəsmi məlumat açıqlanmayıb.
Eyni zamanda İsrailin Ynet nəşri yazır ki, hücum daha çox “rejimə göndərilmiş siqnal” kimi qiymətləndirilir. Mənbələrin sözlərinə görə, əgər İranın hücumları davam edər və ya daha da güclənərsə, BƏƏ-nin məhdud miqyasda hərbi əməliyyatlara qoşulması ehtimalı istisna edilmir.
Hadisə ilə bağlı nə Birləşmiş Ərəb Əmirlikləri, nə də İran tərəfindən hələlik rəsmi açıqlama verilməyib.
