ABŞ Prezidenti Donald Tramp sosial şəbəkədə paylaşdığı yumoristik postla diqqət çəkib.
Realmedia.info xəbər verir ki, Donald Tramp özünün “Truth Social” səhifəsində yaydığı şəkil vasitəsilə özünü Venesuelanın müvəqqəti prezidenti kimi “təyin edib”. Paylaşım yumor xarakteri daşısa da, beynəlxalq ictimaiyyətdə maraqla qarşılanıb.
Qeyd edək ki, yanvarın əvvəlində Venesuela Ali Məhkəməsi Delsi Rodrigesi ölkənin müvəqqəti prezidenti kimi tanıyıb. Bununla belə, Avropa Komissiyasının sözçüsü Anita Hipper bildirib ki, qurum Venesuelada prezident səlahiyyətlərini icra edən Delsi Rodrigesin legitimliyini tanımır.
Mütəxəssislər hesab edirlər ki, Trampın bu paylaşımı Venesueladakı siyasi vəziyyət və beynəlxalq mübahisələr fonunda simvolik və istehzalı mesaj kimi qiymətləndirilə bilər.