“Ulu öndər Heydər Əliyevin ən böyük arzusu doğma torpaqlarımızın işğaldan azad olunması idi. Biz - onun davamçıları onun vəsiyyətini yerinə yetirdik”.

Realmedia.info xəbər verir ki, bu fikirləri Azərbaycan Prezidenti İlham Əliyev Zəngilan şəhərində sakinlərlə görüşü zamanı səsləndirib.

Dövlət başçısı bildirib ki, bu gün Azərbaycanın bütün ərazilərində dövlət suverenliyi tam təmin olunub.
“Bu gün Azərbaycan ərazisində hər qarış torpaq Azərbaycan xalqına məxsusdur. İşğalçıları torpaqlarımızdan qovaraq öz ərazi bütövlüyümüzü və suverenliyimizi bərpa etdik”, – deyə Prezident vurğulayıb.

Prezident İlham Əliyev çıxışında qeyd edib ki, ulu öndər Heydər Əliyevin siyasi kursu bu gün uğurla davam etdirilir və əldə olunan qələbələr Azərbaycanın gücünü bütün dünyaya nümayiş etdirib.